SecQual

Te whakamahi i te reo Māori i roto i ngā paerewa aromatawai ā-waho
S2011/014 - 24 Mar 2011

Te whakamahi i te reo Māori i roto i ngā paerewa aromatawai ā-waho

Kei ngā ākonga te mōtika ki te hiahia whakaoti i ā rātou whakamātautau aromatawai ā-waho i te reo Māori ahakoa he aha kē nei te marau.  Hēoi anō, me whakamōhio mai ngā kura ko ēhea paerewa / whakamātautau e tika ana kia whakamāori mai, ko ēhea hoki ngā paerewa / whakamātautau ka whakautua Māori noa mai e ngā ākonga.  Mā ngā kura anō te pepa tohutohu nei e whakakī kia āta whakaritea mai te pūnaha me ngā tikanga e Te Mana Tohu Mātauranga o Aotearoa.

Te punaha whakamōhio i ngā paerewa aromatawai ā-waho Māori

Mā te āta tohutohu mai i ngā paerewa / whakamātautau a ngā kura, ka raupapa tika nei ngā mahi whakarite, ā, ka hāngai tika hoki te whakatakoto o ngā paerewa / whakamātautau Māori mō te ākonga.  Me kī tau atu tau mai kei ngā kura kē te kawenga whakamōhio mai, ka tahi.  Ka rua, me tāutu tika mai ēnei paerewa / whakamātautau i mua rā anō i te whakauru ākonga ki ngā whakamātautau mā te tohutohu (haki) mai e ai ki ngā whakaurutanga a kura.

Mei kore te kura e tino mōhio i te nama o ngā ākonga e hiahia ana ki te whakamahi i te reo Māori i ngā paerewa aromatawai ā-waho, me tohu noa mai i te paerewa me te ingoa o te whakamātautau, te karahipi rānei e whakapae ana ka hiahiatia nei e ngā ākonga.

Tēna, whakakīngia mai ngā pepa e tohu ana:

• Ngā paerewa me ngā whakamātautau o ia marau, o te karahipi rānei e tika ana kia whakamāoritia
• Ngā paerewa me ngā whakamātautau o ia marau, o te karahipi rānei e tika ana kia whakautu Māori mai ngā ākonga (Me mārama mai – kaua e tohu mō ngā marau Te Reo Māori, Te Reo Rangatira).

Tēna, tirohia te pepa kua herea nei e whakarārangi ana i ngā marau katoa ka whakamāori mai. Whakakīngia, ā, whakahokia mai ki te Mana Tohu Mātauranga o Aotearoa ā te Paraire te 03 o Pipiri 2011.

Ngā mahi tari – ngā tohutohu (haki)

Ahakoa he aha kē te pūmanawa rorohiko mō te aromatawai ākonga kei te tari o te kura, me matua whakauru atu te pūnaha tohutohu (haki) mō te whakamōhio i ngā paerewa aromatawai ā-wāho Māori nei. Arā, e rua kē ngā haki:

• te haki mō te whakamāori i ngā pepa whakamātautau – e tāutu ana i ngā ākonga kua tono mai kia whakamāoritia āna pepa whakamātautau
• te haki mō te whakautu i te reo Māori – e tāutu ana i ngā ākonga kua tono mai ka whakautua Māori atu i āna whakamātautau i runga i ngā pepa reo Ingarihi kua hakia.

Me mauta tohutohu mai ngā haki e rua mō te ākonga e hiahia ana kia whakamāori t/āna whakamātautau, ā, ka whakautua Māori mai hoki.  Kia kaha mai ki te whakahou i ngā kōrero nei i runga i te pūmanawa rorohiko a te kura.

• Mō ngā whakamātautau reo Ingarihi (Taumata 1-3 / Te Hiranga) ka noho tonu mai ngā taitara, ngā tohutohu me ngā pātai i te reo Ingarihi, ā, me reo Ingarihi hoki ngā whakautu
• Mō ngā whakamātautau reo Tauiwi, ko ngā paerewa whakarongo, pānui noa iho ngā paerewa ka āheitia kia whakautua i roto i te reo Māori. Me reo Tauiwi ngā whakautu o ētahi atu o ngā paerewa.
• Mō ngā whakamātautau mō Te Reo Māori, Te Reo Rangatira (Taumata 1-3 / Te Hiranga) me reo Māori ngā whakautu katoa.

Ngā kuputaka

Tirohia ngā kuputaka kei te paetukutuku o te Mana Tohu Mātauranga O Aotearoa nei:  Subject Resources page.

Ngā pātai

Mēna he āwangawanga, he pātai rānei āu, tēna whakapā mai ki te Kaiwawao a tō kura:

Te Kaiwawao
Whakaū kounga me te takawaenga
Waea: 04 463 3000
Waea whakaaahua: 04 463 3113
Email: ingoatuatahi.ingoawhanau@nzqa.govt.nz