Ngā Kaituku Akoranga Māori

He aha te kaituku akoranga Māori?
Te Whanaketanga me te Tautoko i ngā Kaituku Akoranga Māori
Ētahi atu ratonga NZQA mā ngā kaituku akoranga Māori
- Ngā Kaiarotake Māori
- Ngā Tānga
- Ngā tohu mātauranga Māori

He aha te kaituku akoranga Māori?

Neke atu i te 150 o ngā kaituku kua rēhitatia, kua karangatia rātau e rātau anō, he kaituku Māori.

Heoi anō, ko ēnei whakahaere mātauranga e tuku ana i ngā kaupapa ako Māori, e whakahaere ana i ā rātau hōtaka i roto i tētahi horopaki Māori, e arotahi pū ana rānei ki ngā hiahia o ngā ākonga Māori.

Ko ngā tatauranga a NZQA e whakaatu ana i te tino wāhi ki ngā kaituku Māori hei whakapiki ake i ngā whakatutukitanga, i te noho tonutanga me te whakaurutanga o ngā ākonga Māori.

Te Whanaketanga me te Tautoko i ngā Kaituku Akoranga

Kei te tuku a NZQA i te tautoko kore utu i runga i te tikanga 'kotahi ki te kotahi'(one on one') hei tautoko i ngā kaituku Māori katoa kua rēhitatia, i ngā wānanga hoki.

Kua whakatūria ngā Kaitakawaenga ā-rohe (Regional Facilitators) huri noa i te motu hei mahi i te taha o ngā kaituku Māori ki te whakapiki i tō rātau kaha. Ka tae atu tēnei ki te āwhina i te whanaketanga o ngā hōtaka, whakahaere pūnaha whakaū kounga me te tuku pārongo ki te tari matua o NZQA i Te Whanganui ā-Tara.

Ē tahi atu ratonga NZQA mā ngā kaituku akoranga Māori

Kaiarotake Māori

Ka āhei ngā Kaituku Māori hou ki te inoi i tētahi Kaiarotake Māori hei titiro ki tā rātau tono rēhitatanga. Me āta whakaatu rātau i tēnei inoi i roto i ā rātau tuhinga tono.

Ki te rēhitatia, ka tonoa he Kaiarotake Māori ki ngā kaituku Māori katoa. Mō ētahi kōrero anō e pā ana ki te rēhitatanga o ngā Whare Whakangungu Tūmataiti (PTE) pēhia mai ki konei.

Ngā Tānga

Ka whakaputaina e te rōpū Whanake me te Tautoko Kaituku Akoranga Māori, he pānui e karangatia ana ko Rongopai. Ko tā Rongopai, he whakaatu i ngā PTE Māori kua eke ki te taumata, he whakaatu hoki i ngā āhua hou ka pā ki ngā kaituku Māori me te tuku kōrero mohoa mai i ngā Kaitakawaenga ā-rohe.

Mō te aratohu ā-ipurangi e pā ana ki te whakawhānui i te Whakamanatanga, pēhia mai konei.

Ka kite hoki koe he tānga e pā ana ki ngā tohu mātauranga Māori, ki ngā take whakamanatanga me ngā tānga mō ngā Ākonga Māori i tēnei paetukutuku.

Tohu Mātauranga Māori

He nui ngā kaituku Māori e hiahia ana ki te tuku tohu mātauranga Māori, paerewa ā-motu rānei hei wāhanga o ā rātau akoranga. Ka āhei koe ki te whakapā mai ki te Ratonga Tohu Mātauranga Māori ki te hiahia āwhina koe.

Ka whakaputaina hoki e NZQA he huinga o ngā rauemi aromatawai e pā ana ki ngā kaupapa ako pēnei me te Whakairo me te Kapa Haka.

Mō ngā kōrero mohoa me ngā pitopito kōrero hou e pā ana ki ngā tohu mātauranga Māori, pēhia mai ki konei.

Page updated: 07 August 2007