Top Māori Scholars

Governor General Dame Sylvia Cartwright and Hon Parekura Horomia pictured with Top overall Māori male and female, Stephen Merrimau and Karen Maria Wong.

Ko tēnei te tau whakamutunga ka tono ai te Mana Tohu Mātauranga ki nga tauira taiohi, mōhio kua eke ki ngā taumata teitei rawa i roto i nga whakamātautau ā kura, mē kī mo ngā Top Scholars.

E toru ngā wāhanga ka taea e te taiohi Māori kia eke atu. Tuatahi, he tohu mā te taitama kua eke ki te taumata teitei mo ōna kaupapa e rima, ono rānei. Tuarua, ka whakanuia te kōhine kua eke ki te taumata teitei mo ōna kaupapa e rima, ono rānei. Tuatoru he wahanga mo te tamaiti kua eke ki te taumata teitei i roto i te reo ā ō tātou matua tūpuna. Te Reo Rangatira.

Ko ngā tauira e toru i tū hei kanohi mo te iwi Māori; ko Stephen Merriman, ko Karen Maria Wong, ā ko Manawa Pomare.

No te kura o Massey, kei Tāmaki Makaurau a Stephen, ko Tuwharetoa te iwi. Ko tāna kaupapa rawe rawā atu ko te Pāngarau. He kaiako Pāngarau hoki ōna mātua kei te kura o Massey.

No te Kura o Rangitoto a Karen Maria Wong kei Tāmaki Makaurau hoki. Ko tana ingoa Hainamana nā tōna tupuna i te taha o tona papa. I tutaki ona tupuna a Doong Lun Wong raua ko Sylvia Piahana i te wā i tae mai a Doong Lun mai i te whenua o Haina ki te mahi i nga makete māra o Tauranga. No Huria marae, me Tauranga moana te whānau Piahana.

No te Kura o Epsom Girls Grammar te tauira whakahirahira i roto i Te Reo Rangatira. Ko Manawa Pomare tāna ingoa. I tipu ake a Manawa i raro i ngā parirau o te āo Māori. Ka whakatōia te kakano mai i te kohanga reo ā ki te Kura Kaupapa Maori, puta rāno ki te ao tūroa, ā ki roto i te ao tauiwi. Ka mahi tona papa a Hemi Pomare i waenganui i te tima o He Wai, ā tōna whaea a Diane Pomare he tumuaki kei te Kura Kaupapa Māori o Ngā Maungarongo.

Na reira e te iwi anei ra ngā tauira hei matatū mo ngā ra e heke mai nei. Ka Mau te wehi!!!