Te Marautanga o Aotearoa and University Entrance

Te Marautanga o Aotearoa me te Whakauru Whare Wānanga
A2017/20 - 4 Aug 2017

Ki ngā:

Tumuaki
Principal’s Nominee
Kaiako

Te Marautanga o Aotearoa me te Whakauru Whare Wānanga

Tirohanga whānui

I te 30 o Poutūterangi ki te 26 o Haratua 2017, i kohia ngā kōrero whakahoki a te rāngai mātauranga e Te Mana Tohu Mātauranga o Aotearoa mō te tāpirihanga o ngā marau me ngā paerewa o Te Marautanga o Aotearoa, ki te paearu marau mō te Whakauru Whare Wānanga.  Nā runga i ngā putanga kōrero, kua panoni nei te rārangi marau matua o te Whakauru Whare Wānanga.

Ngā panonitanga e whai ake nei

Kua tāpirihia ngā marau hou e ono:

  • Hauora (Health)
  • Ngā Toi (Arts)
  • Ngā Mahi a te Rēhia (Performing Arts)
  • Ngā Toi Ataata (Visual Arts)
  • Ngā Toi Puoro (Music)
  • Tikanga ā-Iwi (Social Science)

Kua noho kāhui nei ngā marau whakataurite

  • Technology/ Hangarau
  • Mathematics/ Pāngarau
  • Science/ Pūtaiao.

Kua tāpirihia ētahi paerewa paetae kei te taumata 3 o Te Marautanga o Aotearoa ki ngā marau 17 kē kei te rārangi marau matua.

Ka whai mana ngā whiwhinga nō Te Marautanga o Aotearoa ka riro i a ngā ākonga rūmaki reo Māori, kaupapa Māori rānei ki te pae whiwhinga o Te Whakauru Whare Wananga (te rārangi marau kua whakaaetia)

Ngā kōrero whakamārama ki ngā kura auraki me ngā akomanga rūmaki

Ko ngā ākonga anake kei ngā kura auraki, kei ngā akomanga rūmaki rānei e ako tonu ana i raro i te kaupapa Māori, e taea ai te tāpiri ngā rātou whiwhinga ki te pae whiwhinga o Te Whakauru Whare Wānanga.  Koinei te hunga anake i te mea ko ā rātou akoranga, hōtaka rānei e hāngai pū ana ki ngā tikanga me ngā mātāpono o Te Marautanga o Aotearoa.

Te paearu o te ako mā te rūmaki reo Māori, kaupapa Māori rānei:

  • e ako ana ngā ākonga mā te reo Māori (ie; kei te taumata 1 me te 2 rānei o te pūnaha ā-motu mō te mita o te reo Māori); ā,
  • e ako ana ngā ākonga i te mātauranga Māori; ā,
    • e ako ana ngā ākonga i ngā hōtaka reo Māori, hōtaka reo rua rānei; ā,
    • e ako ana ngā ākonga i ngā marau o Te Marautanga o Aotearoa mā te reo Māori, te reo rua rānei.

E whai ake ana te rārangi mahi mō ngā kura auraki, kia noho mai ko ngā whiwhinga a ngā rātou ākonga e ako ana i raro i te kaupapa Māori, ki te paearu marau mō te Whakauru Whare Wānanga.

Whakamōhiohio mai a NZQA, ngā ākonga e ako ana i ngā marau o Te Marautanga o Aotearoa e whai nei:

  • Hauora
  • Ngā Mahi a te Rēhia
  • Ngā Toi Ataata
  • Ngā Toi Puoro

Me whakakī pepa, ā, me whakahoki mai ki tēnei pouaka poutāpeta  (XLSX, 13KB)prs@nzqa.govt.nz i mua i te 01 o Hakihea 2017

Mā konei, ka taea e Te Mana Tohu Mātauranga o Aotearoa te āta tātari mēnā ka whai ēnei ākonga i te tohu ‘Whakauru Whare Wānanga’ hei te Kohitātea ā tērā tau.

Kaua hoki e tuku ingoa mai o ngā ākonga kua whiwhi i te 14 whiwhinga mō ngā marau Ngā Toi me te Tikanga ā-iwi.

E mārama ana a Te Mana Tohu Mātauranga o Aotearoa, he mahi pūrongo anō tēnei mō ngā kura, ā, kei te rangahautia ngā pūnaha katoa kia ngāwari ake ai tēnei tākinga.

Me he pātai anō āu tirohia ki te whārangi nei: Ngā pātai me ngā whakautu mō ngā kura me ngā ākonga me whakapā atu rānei ki te ‘Tumuaki Whakawhanaungatanga Kura’ o Te Mana Tohu Mātauranga o Aotearoa.

 

Find information for...

 
Skip to main page content Accessibility page with list of access keys Home Page Site Map Contact Us newzealand.govt.nz