Hauora - He Pānui nā te kaiaromatairua

Mahuru 2018

Whakaaturia: Hauora kāinga

Ngā Ihirangi

Ngā taunakitanga mō ngā paearu o ngā paerewa

E āki ana a NZQA kia whāia ngā huarahi auaha ki te kohikohi i ngā mahi a ngā ākonga hei whakamahi mō te aromatawai. E taea ana mā te aromatawai i ngā paerewa maha i raro i te kaupapa kotahi, mā ngā momo tikanga aromatawai rānei, pēnei i ngā kiriata, huataka ara atu.

Me mahara hoki ngā Kaiako mēnā ka nui atu ngā taunakitanga e tukuna mai e ngā ākonga i tā ngā paearu e hiahiatia ana, tērā pea ka toimaha rawa ngā mahi mā ngā ākonga. Āpiti atu, ko te hāngai pū o ngā whakautu ki tā ngā hiahia o ngā paearu te aronga matua, haunga te nui o ngā taunakitanga, tērā pea e kore e whakatutuki i te katoa o ngā paearu o te paerewa.

Mō te roanga o ngā kōrero mō te kohikohi taunakitanga, whakapā atu ki Gathering evidence of achievement page kei te paetukutuku o NZQA.

Ngā rauemi aromatawai kei TKI

Kia mahara, me arotake i ngā rauemi aromatawai i TKI mō Te Marautanga o Aotearoa i mua tonu i tō aromatawai me te tuku kia aromatairuahia.

Ngā taunakitanga mō ngā paerewa TMoA

Ko ngā mahi katoa mō Te Marautanga o Aotearoa me kawe ki te reo Māori. Nō reira, ka tukuna mai ki te aromatairua, kua kawea katoatia ki te reo Māori.

He tauaromahi, he kōrero whakamahuki

Ka whakaputahia he kōrero whakamahuki mō ēnei kaupapa ako

Te Reo Rangatira 91660, 91668

Tikanga ā-Iwi 91726

He tauaromahi anō hoki mō Ngā Toi 91707

 
 
Skip to main page content Accessibility page with list of access keys Home Page Site Map Contact Us newzealand.govt.nz