Ngā Toi - Tauaromahi Kaupae 1 AS91712 (A)

Te whakaatu māramatanga ki te whakapapa o tētahi toi taketake i roto i ngā toi ataata - Kākahu (1.7A)

Tirohia: Ngā tauaromahi mō Ngā Toi

Pānuihia te PAEREWA

 

TKI Ngā Rauemi Aromatawai mō Ngā Toi

Tuku mai ngā tauaromahi me ngā kōrero āpiti katoa (PDF, 525KB)

Ko te tauaromahi he tauira mahi ā te ākonga e whakamārama ana i te matū o te paerewa paetae. He mea āwhina i te kaiako ki te kōwhiri whakataunga aromatawai ki te taumata e tika ana. 

Kairangi Tai (Low Excellence)

Kōrero Āpiti
He wāhanga o ngā mahi ā te ākonga

Ākonga 1 (PDF, 71KB)

Hei tohu i te Kairangi, ka whakaoti i tētahi mahi toi ataata e whakaatu ana i ngā pūkenga mahi, e ai ki ngā tukanga pēnei i te:

  • whai māramatanga ki te whakapapa o tētahi toi taketake
  • whakaputa i te taha rerehua kia rere pai ai ngā mahi toi
  • noho tau ki te whakamāori i ngā momo pūkenga, ngā huānga, me ngā tukanga o tētahi toi taketake.

Kia eke te ākonga ki te Kairangi me whakaoti i tētahi mahi toi ataata, koinei ngā tukanga o te mahi toi taketake i whāia:

  • Ko te whakaoti i tētahi mahi toi e tohu ana i te māramatanga o te ākonga ki ngā pūkenga whatu kākahu.
  • Ko te āta whakarite i ngā hukahuka, te whatu me te waikano i ngā rawa. E whakaatu ana ēnei mahi i te nui o ngā tukanga i whāia kia kawea ai te mahi maro (1).
  • Ko te whai i ngā tikanga mahi muka, te waikano hoki i ngā hukahuka kia rerehua ai te mahi maro (2).
  • Ko te āta whakatakoto i ōna pūkenga whatu kia eke ai ki te taumata o te Kairangi me ngā huānga o te whatu kākahu.

Kaiaka Pari (High Merit)

Kōrero Āpiti
He wāhanga o ngā mahi ā te ākonga

Ākonga 2 (PDF, 144KB)

Hei tohu i te Kaiaka, ka waihanga i tētahi mahi toi ataata e whakaatu ana i ngā pūkenga mahi, e ai ki ngā tukanga pēnei i te:

  • whakawhānui i ngā whakaaro ki te whakapapa o tētahi toi taketake.
  • whakamāori i ngā tikanga o te whakapapa o te mahi toi hei whakawhanake ariā.               

Kei te takiwā o te Kairangi ētahi o ngā pūkenga a te ākonga, pēnei i tāna whakarite i te harakeke hei muka me te hukahuka kia āhei ai te whatu kākahu (1).

E mārama ana te ākonga ki ngā tukanga whakarite rawa mō te waihanga kākahu inā kua āhei ki te raweke i ērā tukanga kia hāngai ki ngā tikanga o te waihanga maro.

Ko te otinga atu o te mahi kākahu nei e whakaatu ana i te auahatanga o te ākonga me tōna kaha whai i ngā tikanga o te ao Māori ki te waihanga kākahu (2).

Kia eke ai te ākonga ki te Kairangi me tutuki i ēnei tukanga:

  • Me taunga ki ngā huānga, ngā pūkenga katoa o te waihanga maro.
  • Me arotake i āna mahi whatu me te tukanga mahi muka pērā i te aro ki ngā mokowā -  tētahi tikanga whakamahi harakeke. Koinei te whakaritenga ki te whakamaroke i ngā hukahuka me te whakarite i ngā muka.

Mā ēnei tukanga ka ngāwari ake te whatu i ngā hukahuka nā runga i te āhua noa o te harakeke.

Kaiaka Tai (Low Merit)

Kōrero Āpiti
He wāhanga o ngā mahi ā te ākonga

Ākonga 3 (PDF, 67KB)

Hei tohu i te Kaiaka, ka waihanga i tētahi mahi toi ataata e whakaatu ana i ngā pūkenga mahi, e ai ki ngā tukanga, arā, pēnei i te:

  • whakawhānui i ngā whakaaro ki te whakapapa o tētahi toi taketake.
  • whakamāori i ngā tikanga o te whakapapa o te mahi toi hei whakawhanake ariā.

Kua whakaaturia mai e tēnei ākonga ōna māramatanga ki ngā tikanga rāranga i tētahi pūreke mai i te hauhake tae rānō ki te rāranga. Ko ētahi o ngā tikanga i whāia, ko te tuku karakia, te whakarite rauemi, te hauhake harakeke, te whakarite me te haehae i ngā whenu.

Kua waihangatia, kua whakamāorihia e te ākonga tētahi mahi toi ataata, koinei hoki ngā tikanga o te mahi toi taketake i whāia:

  • Ko te whakamātau i te whatu kia nonoti tonu te mahi (1)
  • Kia ōrite te whānui i waenga i ngā whenu (2)
  • Kia taunga ngā tukanga haehae i ngā whenu (3).

Kia noho pūmau ai te ākonga ki te Kaiaka me tutuki i ēnei tukanga.

Me whakaatu te ākonga i ōna tukanga pēnei i te whakarite i ngā harakeke me te whatu i ngā haehaenga harakeke. Ko te whakawhanake i ōna pūkenga whatu kia tika te noho me te rere mai i tētahi pito ki tētahi atu o te kākahu.

Paetae Pari (High Achieved)

Kōrero Āpiti
He wāhanga o ngā mahi ā te ākonga

Ākonga 4 (PDF, 55KB)

Hei tohu i te Paetae e whanake tonu ana te waihanga i tētahi mahi toi ataata e ai ki ngā tukanga e tika ana:

  • Ka whakatauira i te whakapapa kia mārama ki roto i tētahi horopaki
  • Ka tautohu i ngā tikanga matua o tētahi toi taketake.

Kua whakaaturia mai e tēnei ākonga ōna māramatanga ki ngā tikanga rāranga i tētahi pūreke mai i te hauhake tae rānō ki te rāranga. Ko ētahi o ngā tikanga i whāia, ko te tuku karakia, te whakarite rauemi, te hauhake harakeke, te whakarite me te haehae i ngā whenu.

Kua waihanga te ākonga i tētahi mahi toi ataata:

  • E ōrite ana te whakatakoto o ngā aho (1)
  • E ōrite ana te whānui i waenga i ngā whenu (2)
  • E tau ana te whakaritenga o te huti me te hāro (3).

Kia eke te ākonga ki te Kaiaka me tutuki ēnei tukanga:

  • Me whakaatu i ōna pūkenga me ngā tukanga pēnei i te whakarite i ngā harakeke me te whatu i ngā haehaenga harakeke
  • Ko tētahi wāhanga me arotahi atu ko te whatu kia nonoti ai kia tika te takoto, kia tōtika tonu te whatu kia rerehua tōna hanga.

Paetae Tai (Low Achieved)

Kōrero Āpiti
He wāhanga o ngā mahi ā te ākonga

Ākonga 5 (PDF, 50KB)

Hei tohu i te Paetae e whanake tonu ana te waihanga i tētahi mahi toi ataata e ai ki ngā tukanga e tika ana.

  • Ka whakatauira i te whakapapa kia mārama ki roto i tētahi horopaki
  • Ka tautohu i ngā tikanga matua o tētahi toi taketake.

Kua whakaaturia mai e tēnei ākonga ōna māramatanga ki ngā tikanga whatu i tētahi pūreke mai i te hauhake tae rānō ki te whatu. Ko ētahi o ngā tikanga i whāia ai, ko te tuku karakia, te whakarite rauemi, te hauhake harakeke, te whakarite me te haehae i ngā whenu.

  • Kua waihanga te ākonga i tētahi mahi toi ataata.
  • Kua ngana te whakatakoto i ngā aho (1).
  • Kua ngana te whakatakoto i ngā whenu kia ōrite te whānui i waenganui i ia whenu (2).

Kia mau pūmau ai te ākonga ki te Paetae me tutuki i ēnei tukanga, arā, me whakawhanake te ākonga i ōna pūkenga whatu. Hei tauira: me nonoti te whatu i ngā whenu.

Kāore i whiwhi (High Not Achieved)

Kōrero Āpiti
He wāhanga o ngā mahi ā te ākonga

Ākonga 6 (PDF, 82KB)

Kia eke te ākonga ki te Paetae e whanake tonu ana te waihanga i tētahi mahi toi ataata e ai ki ngā tukanga e tika ana.

  • Ka whakatauira i te whakapapa kia mārama ki roto i tētahi horopaki
  • Ka tautohu i ngā tikanga matua o tētahi toi taketake.

Kua whakaaturia mai e te ākonga ētahi pūkenga, tukanga ki te whakarite i ngā harakeke. Ko ētahi tukanga me aro atu ko te mokowā arā, te roa ki te tutuki i ia tukanga. Ko te nonoti i te whatu me te tiaki i ngā rawa e raweketia ana (1).

Kia eke te ākonga ki te taumata Paetae me tutuki i ēnei tukanga:

Me kaha ake te ākonga ki te whakawhanake i ōna pūkenga me ngā tukanga whakarite harakeke.

Ko te wāhanga matua me arotahi atu, ko te mokowā.

Inā takaroa te ākonga ki te whai i ngā tukanga i te wā i whakatau ai ka raru ko ngā rawa, ka maroke ka uaua ki te whatu ka motua ngā whenu. Ko te nonoti i te whatu tētahi pūkenga me whakapakari.

 

 

 
Skip to main page content Accessibility page with list of access keys Home Page Site Map Contact Us newzealand.govt.nz