Ngā Toi kōrero whakamahuki

Ngā Toi kōrero whakamahuki

Show: Ngā Toi Homepage All Ngā Toi clarifications

91709: Te whakaoti mahi toi e whakatakoto ana i tētahi māramatanga i roto i ngā toi ataata

Nō te marama o Whiringa-ā-nuku 2019 ngā kōrero whakmahuki nei.

He whānui ngā kaupapa toi ataata hei whakaako ki te tutuki i te paerewa nei. Ko te rāranga, ko te uku, ko te peita, ko te tā, ko te whakairo, ko te mahi matihiko hoki ētahi kaupapa.

E ai ki te ingoa o te paerewa nei me whakaoti i tētahi mahi toi ataata. Heoi, me whakaatu hoki i te tukanga toi kua whāia e te ākonga ki te whakaoti i tana kaupapa toi, arā, ko te hoahoa o te mahi toi, ngā rauemi kua whakamahia, te whakamātau i ngā momo pūkenga me ngā huānga (whakairo, rāranga, whatu tāniko, kauruku, tae, āhua), me te panoni i ngā whakaaro o te kaupapa kua kōwhiria tae rāno ki te whakaoti i te mahinga toi.

I roto i ngā tukanga toi ka kite i te māramatanga o tā te ākonga e waihanga mai ana, ōna rangahau, ōna rawekeweketanga i tūhuratia me ngā tūmomo kaitā i whakaihiihi i te hinengaro o te ākonga.

Kia tutuki i te paerewa me tuku mai ngā tukanga toi me ngā whakamārama kua whāia hei taunaki i te mahi toi kua oti.

Ko ngā mahi katoa me tuhi, me reo Māori. Tēnā tirohia te whārangi 4, o Te Marautanga o Aotearoa, 'ko te reo Māori te reo kawe i ngā mahi'.

 
 
Skip to main page content Accessibility page with list of access keys Home Page Site Map Contact Us newzealand.govt.nz