Ko te noho tawhiti te tukanga whakahaere i roto i te rūma whakamātautau. He mea tiaki i te mahi takitahi a ngā ākonga, ā, he kaupare hoki i te horanga o te mate urutā COVID-19. Ko te 1.5 mita te tawhiti pai mō te nohonoho.
Hei te taumata takarerewa 3, me noho tonu ki te tawhiti o te 1 mita mō te whakauru me te whakawehe i te rūma whakamātautau. Mā ngā kaimahi o te kura, o te whakamātautau rānei koe e ārahi. Me 2 mita anō te tawhiti i a koe i waho i te whare.
Te horoi me te whakamaroke ringa Washing and drying hands
Ko te tukanga tika kia kaupare i te mate urutā COVID-19, ko te horoi ringa ki te hopi me te wai me te whakamaroke. Kei ngā whareiti o te kura anō te hopi, te wai me ngā tāora hei whakamaroke – ki te kore, me whakamōhio atu ki ngā kaimahi o te kura.
Hei te taumata takarerewa 2 me te 3, me mātua noho mai te wai hopi hei te tomokanga o te rūma whakamātautau.
Te mau a-rai kanohi Masks
Ehara i te mea me mātua whakamau ngā ākonga me ngā kaiako i te ārai kanohi i roto i te rūma whakamātautau engari ka taea tonutia te whakamau ki te hiahia.
Te whakapai rūma Cleaning
He wātaka whakapaipai rūma kei ngā kura katoa, ā, ka mātua whakapaipai i ngā tēpu me ngā taputapu e kaha ana te whakamahi, i roto i te rūma whakamātautau.
