- Home
- Qualifications and standards
- NCEA
- Māori and Pasifika
-
Providers and partners
- About education organisations
- NZQA's quality assurance system for tertiary education organisations
- Guidelines and forms
- Consistency of graduate outcomes
- Approval, accreditation and registration
- Monitoring and Assessment
- Self-assessment
- External evaluation and review
- Assessment and moderation of standards
- Submitting results and awarding qualifications and micro-credentials
- Tertiary and International Learners Code of Practice
- Offshore use of qualifications and programmes
- Reform of Vocational Education
- International Education planning
- international
- About us
Ngā putanga kōrero mō Te Marautanga o Aotearoa me Te Whakauru Whare Wānanga
Pāngia tēnei kia pānui ai i te reo Pākēhā
I te 30 o Poutūterangi ki te 26 o Haratua 2017, i kohia ngā kōrero whakahoki a te rāngai mātauranga e Te Mana Tohu Mātauranga o Aotearoa (NZQA) mō te tāpirihanga o ngā marau me ngā paerewa o Te Marautanga o Aotearoa, ki te paearu marau mō te Whakauru Whare Wānanga. Nā runga i ngā putanga kōrero, kua panoni nei te rārangi marau matua o te Whakauru Whare Wānanga.
Kua tāpirihia ngā marau hou e ono:
- Hauora (Health)
- Ngā toi (Arts)
- Ngā mahi a te rēhia (Performing Arts)
- Ngā toi ataata (Visual Arts)
- Ngā toi puoro (Music)
- Tikanga ā iwi (Social Science).
Kua noho kāhui nei ngā marau whakataurite:
- Technology/ Hangarau
- Mathematics/ Pāngarau
- Science/ Pūtaiao.
Kua tāpirihia ētahi paerewa paetae kei te taumata 3 o Te Marautanga o Aotearoa ki ngā marau 17 kei te rārangi marau matua.
Ko ngā ākonga rūmaki reo Māori me ā rātou whiwhinga i raro i Te Marautanga o Aotearoa e taea ai te whakawhiti atu ki ngā rārangi marau kua whakaaetia mō te Whakauru Whare Wānanga (Te rārangi marau kua whakaaetia).
Kia pānui i ngā kōrero whakarāpopoto katoa whakapā mai ki te hononga nei (Te whakarāpopototanga).
Ngā whakamārama mō ngā kura auraki me ngā akomanga rūmaki
Ko ngā ākonga anake kei ngā kura rūmaki reo Māori, ngā akomanga rūmaki reo Māori, ngā akomanga kaupapa Māori ranei, e taea ai te tāpiri ā rātou whiwhinga ki te pae whiwhinga o Te Whakauru Whare Wānanga. Koia anake te hunga i te mea ko ā rātou akoranga, ko ā rātou hōtaka rānei e hāngai pū ana ki ngā tikanga me ngā mātāpono o Te Marautanga o Aotearoa.
Te paearu o te ako mā te rūmaki reo Māori, kaupapa Māori rānei:
- e ako ana ngā ākonga mā te reo Māori (ie; kei te taumata 1 me te 2 rānei o te pūnaha ā-motu mō te mita o te reo Māori); ā,
- e ako ana ngā ākonga i te mātauranga Māori; ā,
- e ako ana ngā ākonga i ngā hōtaka reo Māori, hōtaka reo rua rānei; ā,
- e ako ana ngā ākonga i ngā marau o Te Marautanga o Aotearoa mā te reo Māori, te reo rua rānei.
Me mōhio mai a NZQA ko wai ngā ākonga kei ngā kura auraki e ako ana mā te rūmaki reo Māori, e ako ana rānei i raro i te kaupapa Māori, ā, e whai ana i ngā marau nei:
- Hauora
- Ngā mahi a te rēhia
- Ngā toi ataata
- Ngā toi puoro
Me whakakī ngā kura i te pepa whakaae nei me te whakahoki ki NZQA hei te 01 o Hakihea i ia tau. Mā konei, ka taea e NZQA te āta tātari mēnā ka whai ēnei ākonga i te tohu Whakauru Whare Wānanga hei te Kohitātea ā tērā tau (Te pepa whakaae (XLSX, 13KB))
Ehara i te mea me tuku ingoa mai o ngā ākonga kua whiwhi i te 14 whiwhinga mō ngā marau Ngā Toi me te Tikanga ā-iwi.