Ngā whāinga Pū

Ko ēnei whāinga a Te Wānanga Takiura, e hāngai pū ana ki te whakapono, ko te reo Māori anake e āhei ana ki te whakaoho i te whatumanawa, i te ngākau, i te wairua Māori o te tauira hai huarahi pūmau ki te whakaako ki te whakangungu i a ia, hai kaiako i roto i ngā kura Māori.
Te whakaako i te reo ki te hunga kāore i te mōhio ki te reo Māori, engari, e kaingākau nui ana ki te ako kia tūtuki ai te kī - He Māori ahau inaianei na tōku mōhio ki tōku reo me āna tikanga.
Ko te whainga nui ma ngā pouako o Te Wānanga Takiura, me kounga, me kairangi a rātau mahi. Me kaha tonu ki te hanga he Tohu Paetahi Ako Kura Māori.
Ko ngā taumata me oti i ngā pia, ko te 5, 6, 7, i roto i te toru tau, i raro i te maru o te Mana Tohu Mātauranga o Aotearoa ma te Matatū Aotearoa.
He tino hua kei roto i ngā marautanga hai whakaako ma tēnā, ma tēnā, o ngā pouako. Ma rātau e whāngai, e whakatō ēnei ki ngā ngākau o ngā pia hai tūāpapa, hai taituarā, hai whakawhirinakitanga atu mō rātau, i roto i te ao Māori, i te ao whānui, i te ao mātauranga hoki.
Kei tēnei Wānanga Takiura ōna ake mātauranga o te ao Māori, o te ao whānui hoki.
Kei ēnei pouako o rātau ake mōhiotanga.
Ko tēnei Wānanga Takiura ka āhei ki te kawe, ki te kauhau, ki te whakaako, ki te whakamana hoki i āna marautanga katoa ma te reo Māori anake.
Te whakatangatawhenua i te tuakiritanga o te tangata ki te ahurea tūturu o tōna iwi Māori, o Aotearoa, o tōna Ao Māori hoki.
Ko tēnei te tino kaupapa o Te Wānanga Takiura, he whakarumaki i te pia i roto i tōna ao Māori. He whakatakoto mahi hai kawe, hai whakaako, hai whakatiti, hai whakatō ki roto i te ngākau o te pia:
- tōna reo Māori
- āna tikanga Māori
- ngā mātauranga Māori o ngā kete o toru o te Wānanga.

Te Kōtaha me ngā taumata o te pia ka puta i tēnei tohu Paetahi Ako Kura Māori.

1. Ngā Marautanga o Aotearoa
I roto i te Ahurewa 300 me tūtuki pai i te tauira;
* 9 ngā marautanga
* 10 ngā akoranga
* e 9 ngā wiki haere ki rō kura
* waetohu: 122
Me matatau anō te tauira, ki te katoa o ēnei horopaki mahi e hāngai pū ana ki ngā momo kura Māori, huri noa i te motu.

2. Ka whakawhiwhia te tauira ki tana tohu Paetahi Ako Kura Kaupapa Māori, ka tū rangatira i runga i te mōhio kua mana, kua whakareia ia hai Kaiako i roto i:
* ngā Wharekura Māori
* ngā Kura Kaupapa Māori
* ngā Kura Rumaki Reo Māori
* ngā Kura Māori ā Iwi,
* Ngā Wāhanga Māori i roto i ngā Wharekura Auraki.

3. Kua mōhio te tauira, kua mārama ki ngā mātauranga Māori hōhonu tonu mō ngā ariātanga o te:
* Mana Atua
* Mana Tangata
* Mana Reo
* Mana Whenua
* Mana o te Ao Tūroa.
Me te matatau anō hoki ki ngā ariātanga me ngā mātauranga whāioio, tuauriuri, tāukiuki hoki o te:
* Kete Tuauri/ Te Kete Uruuru Rangi
* Kete Tuatea/ Te Kete Uruuru Tau
* Kete Aronui/ Te Kete Uruuru Mātua.
Whai mai hoki ko ngā Whatu e Rua mō te whakaputa tangata i runga i ngā tikanga ā:
* Te Whatukura Huka-ā-Tai
* Te Whatukura Rehu-Tai
Me mārama rawa anō te tauira ki ngā mātāpono, ki ngā tikanga, ki te hōhonutanga o ngā mātauranga Māori o te:
* Kauwae Runga
* Kauwae Raro.

4. Tōna mōhio ki ēnei momo reo me ō rātau mita, me te mōhio anō me pēhea te whakahua i ēnei reo, i ngā wā, i ngā wāhi e tika ana:
* te reo Ōkarakia
* te reo Ōkawa
* te reo Ōpaki/Kāuta
* te reo Ōao.

5. Tōna whakapono ki ngā mātāpono o te Aho Mātua hai piringa taumauri mōna i roto i ngā whakaaro nui o te ahurea Māori me te taiao mo:
* te ira tangata
* te reo
* ngā iwi
* te ao
* ngā āhuatanga ako
* ngā tino uaratanga.

6. Tōna āhei me tōna whakapono ki te tiaki i ēnei āhuatanga o te whaiaro o te tangata:
Te wairua o te tangata, tōna whakairatanga, tōna mauri, tōna tapu, tōna wehi, tōna ihi, tōna iho mātua, tōna mana, tōna whatumanawa, tōna hinengaro, tōna auahatanga, tōna ngākau, tōna pūmanawa, tōna reo, tōna iwi, tōna ao Māori, ōna āhuatanga ako.
I tua atu ko ēnei tāonga o te whakapiri, o te matemateaone, tētahi ki tētahi:
Ko te whanaungatanga, ko te mahi tahi, te wairua i waenga i te tuakana me te teina, te tautoko, te āwhina, te opeope, te poipoi, te aroha, te matemateaone, te ahuru mōwai o te whānau, hai tuāpapa, hai poutokomanawa, hai tāwharau, hai whakawhirinakitanga atu mō te tauira ki tōna rahi i ngā wā katoa.

7. Te Whakapono o te tauira ki te ahureitanga o Te Wānanga Takiura me tōna pūmau ki te whakatutuki i āna haepapa katoa.
Tuatahi; ko te whakaako i te reo Māori mā te reo Māori, kia mau, kia ita, kia tangata whenua tonu.
Tuarua; ko te whakatutuki i te oati ki te whakapiki i te tauira mā te reo anake, ma ngā rautaki Māori, ki ngā pae mōhiohio i whakarītengia hai taumata mahi ma te tauira kia whakawhiwhi atu ki tana tohu whakamana i ā ia, me tōna matatau.
Tuatoru; ko te tāonga nui ka tukuna e Te Wānanga Takiura ki āna pia, ko te tokomauri, ko te kohara, ko te matatau, me te hiringā o te mahara ki te whakaako tamariki.
Ka whakaohohia ngā kare-ā-roto kia āta whāingaihia he māramatanga, he mōhiotanga ki tōna whatumanawa, ki tōna ngākau, ki tōna hinengaro, ki tōna mauri me tōna wairua kia noho Māori tonu i roto i te hihiri o āna ma

The development of a Master's programme is currently under consideration by Te Wānanga Takiura and pathways from this programme to the potential Masters programme will be facilitated to enable Postgraduate study options and opportunities in the near future.

The following criteria will be applied to determine an applicant's eligibility to enrol in the programme.
* Current or pending holders of a Limited Authority to Teach (LAT)
* 2 years consecutive experience in a Māori medium Level 1 (80%-100%) kura within the last 5 years or 2 years experience in a Māori medium kura below Level 1, but with demonstrable proficiency in te reo as a result of interview with the Kaitiaki Huhua that will occur in te reo Māori anake.
* A clean police vet and suitability under the Vulnerable Children's Act.